पिंपरी-चिंचवड: प्रतिनिधी (माझा इंडिया न्यूज)
“स्वतः यशस्वी होणे ही एक गोष्ट आहे, पण इतरांना यशाचा मार्ग दाखवणे हे खरे नेतृत्व असते,” हा विचार प्रत्यक्ष कृतीत आणणारे नाव म्हणजे डॉ. धम्मरत्न गायकवाड. एका सामान्य कुटुंबात जन्मलेल्या या तरुणाने वडिलांचे स्वप्न साकार करण्यासाठी जिद्दीने आणि चिकाटीने आपला व्यावसायिक प्रवास सुरू केला. सॉफ्टवेअर इंजिनिअरिंगचे शिक्षण घेत असताना केवळ नोकरीच्या चौकटीत न अडकता त्यांनी उद्योजकतेचे स्वप्न पाहिले.
अत्यंत कमी वयात त्यांनी इंटरनेट ब्रॉडबँड सेवा, इलेक्ट्रॉनिक वस्तूंचा व्यवसाय, फर्निचर, स्टेशनरी सप्लाय, बांधकाम क्षेत्र आणि अत्याधुनिक पॅथॉलॉजी लॅब अशा विविध क्षेत्रांत आपले पाय रोवले. त्यानंतर ‘डीएस प्रॉडक्ट इव्हेंट’ या कंपनीची स्थापना करून कॉर्पोरेट क्षेत्रात आपली वेगळी ओळख निर्माण केली.
’YBT’ च्या माध्यमातून तरुणांना दिशा
तरुणांमधील क्षमता ओळखून त्यांना योग्य मार्गदर्शन आणि संधी मिळावी यासाठी डॉ. गायकवाड यांनी ‘यंग बिझनेस टायकून’ (YBT) ही संकल्पना सुरू केली. यासाठी त्यांनी ‘YBT मोबाईल ॲप’ देखील विकसित केले आहे. या माध्यमातून आज हजारो तरुण नोकरी शोधणाऱ्यांऐवजी नोकरी देणारे उद्योजक बनत आहेत.
राजकीय आणि सामाजिक प्रवास
सामाजिक परिवर्तन घडवण्यासाठी राजकीय शक्तीची गरज ओळखून त्यांनी रिपब्लिकन पार्टी ऑफ इंडिया (आठवले) पक्षात प्रवेश केला. केंद्रीय सामाजिक न्याय राज्यमंत्री मा. रामदास आठवले यांच्या प्रेरणेने आणि इतर ज्येष्ठ नेत्यांच्या मार्गदर्शनाखाली ते सध्या रिपब्लिकन पार्टी ऑफ इंडिया (आठवले), पिंपरी-चिंचवड शहर युवक अध्यक्ष म्हणून कार्यरत आहेत.
सध्या ते पिंपरी-चिंचवड महानगरपालिकेच्या प्रभाग क्रमांक ३२ (सांगवी – नवी सांगवी) मधून लोकप्रतिनिधी म्हणून कार्य करण्यास इच्छुक आहेत. सांगवी परिसराचा सर्वांगीण विकास करणे आणि नागरिकांना आधुनिक सुविधा उपलब्ध करून देणे हे त्यांचे प्रमुख स्वप्न आहे.
पुरस्कार व सन्मान
त्यांच्या उल्लेखनीय सामाजिक आणि राजकीय कार्याची दखल घेत त्यांना विविध प्रतिष्ठित पुरस्कारांनी सन्मानित करण्यात आले आहे:
युवा उद्योजक पुरस्कार
धम्मसेवक पुरस्कार
प्रबुद्ध उद्योजक पुरस्कार
इंटरनॅशनल यूथ आयकॉन अवॉर्ड
समाजरत्न पुरस्कार
”रोजगार मागणारे नव्हे, तर रोजगार देणारे युवक घडवणे हीच माझी उद्योजकता आणि समाजसेवेची खरी ओळख आहे.”
— डॉ. धम्मरत्न गायकवाड
